GETCHEN BARRETO AND NADIA MONTENEGRO GIYERA PA RIN

Talaga bang pinagkakasundo o pinagkikita lang para mag-away?

For biography of NADiA MONTENGRO, go to this page.


Ito ang balita galing sa PEP.


Naibalita dito sa PEP (Philippine Entertainment Portal) kahapon, February 21, na ang pagkikita nina Nadia at Gretchen sa Hotel Rembrandt ay hindi nauwi sa pag-aayos ng dalawa.

Kinumpirma naman ito nina Cristy Fermin at Jobert Sucaldito sa kanilang radio program na Showbiz Mismo na televised sa dzMM Teleradyo. Si Cristy ang namuno ng pagbabati sanang ito nina Gretchen at Nadia. Si Cristy ang sinasabing nag-ayos ng pagkikita ng dalawa sa Hotel Rembrandt noong Miyerkules ng gabi, Pebrero 20.



Ayon kay Jobert, initially ay hindi naman kasama sa plano si Nadia. "Pero mas maganda raw, sabi ni Gretchen, kung nandoon [si Nadia]," ani Cristy.

KUNG PAGBABATIIN TALAGA, BAKIT HINDI BALAK KUMBIDAHIN SI NADIA. SINONG MAGBABATI?gulo ng dalawang movie reporter na mga ito.

Bukod sa dalawang aktres, naroroon din sina former Caloocan Mayor Boy Asistio, ang kinakasama ni Nadia; Tanya Montenegro, ang ate ni Nadia; Dody Puno, ang napapabalitang nakarelasyon ni Gretchen; at ang anak ni Dodi na si Raffy.


ANO NAMAN ANG GINAGAWA NI DODY PUNO DOON?

Bago pa man ang planong pag-uusap, ayon kay Cristy, tinutunton na diumano ni Gretchen kung sino ang nagkakalat ng mga balita tungkol sa kanila ng kanyang partner na si Tonyboy Cojuanco.

Kuwento ni Cristy, "Kasi tinutunton nila kahapon at kinukumpirma na nga ni Gretchen kung sino talaga ang nagpapaikot ng balita na siya ay pinalayas ni Tonyboy Cojuanco sa kanilang bahay na wala siyang nadala na kahit anong gamit niya. At nakumpirma na rin nila kung sino ang nagkukwento na mayroong relasyon si Gretchen at Mr. Dody Puno."



At sa mismong pagkikita, nagkausap pa diumano sina Gretchen at Boy Asistio bago pa man magkaharap ang una at si Nadia. Dito diumano nag-open si Gretchen ng kanyang nararamdaman sa kanyang kaibigang si Nadia.



Lahad ni Cristy, "Naalala mo [Jobert] yung magkatabi kayo ni ex-Mayor Asistio, nandito naman si Mr. Dody, 'tapos si Raffy at saka si Gretchen? Yung dumukwang si Gretchen na ganun, kinuha yung kaliwang kamay ni Tito Boy? Cinematic yun para sa akin. Napakamarespeto ni Gretchen.



"Kinuha po niya, mga kaibigan, ilalarawan na lang po namin... Kinuha po ni Gretchen yung kaliwang kamay ni Tito Boy na kaliwa din po niyang kamay. 'Tapos hinawakan po niya nang mahigpit."



Matapos nito ay nagsalita si Gretchen at ikinuwento ang kanyang mga narinig tungkol sa totoong saloobin diumano ni Nadia sa kanya.



Patuloy ni Cristy, "Sabi niya [Gretchen], ‘Mayor, kaya ko rin pong tapatan ng masasakit na salita at accusations ang ginawa sa akin ni Nadia kaninang umaga sa mga text messages niya kay Ogie na tinawag niya akong ‘may pusong itim.' Mayor, iniisip ko lang po kayo, nirerespeto ko lang po kayo at ang mga anak ninyo na inaanak ko pa.'



"‘Mayor, ang sabi po niya kay Rufa Mae Quinto, kay P-chi, ang dahilan daw po ng galit niya sa akin ay kung bakit ko kayo mapalayas sa bahay ninyo. Kung natatandaan n'yo po, hindi pa kami magkakilala ni Tonyboy noong isanla ninyo ang bahay na iyan. Pero nang dumating ang pagkakataon na kailangan kayong paalisin, ginawa ko po ang lahat para ma-extend pa, magkaroon ng grace period yung pag-stay ninyo sa bahay.'



"Sabi niya [Gretchen], ‘Apat na taon ho kayong tumira doon. Ngayon nung dumating na po yung pang-apat na taon at kailangan nang kunin ng bangko yung bahay, I can only do so much.' Sabi niya [Gretchen], ‘Kayo po ang nagpabaya, hindi po ako. Ang kailangan 90 million [pesos]. Where do I get the 90 million? Wala naman akong pera.'



"‘Ngayon, despite that tumawag pa po ako kay Nadia the night before yung sheriff.' ‘Girl, kunin ninyo ang lahat ng kailangan ninyong gamit para kapag dumating na ang sheriff, nailabas n'yo na para kapag dumating na ang sheriff, kahit kutsara at tinidor, hindi n'yo na mailalabas pa.' Mayor, masama pa ba ako? Mayor, sagutin mo ako. Do I deseve this?'"



Habang nangyayari ang pag-uusap sa pagitan nina Gretchen at ex-Mayor Asisitio, kinakausap naman diumano ni Cristy si Nadia sa ibang kuwarto. At pagkatapos ay sumunod na doon sina Gretchen at Dody Puno.



Sa mga sumunod na kuwento ni Cristy, inilahad niya kung paano nagsimula ang diumano'y kumprontasyon sa pagitan nina Gretchen at Nadia.



"'Tapos nang umakyat na sila, medyo nagkaroon ng gulo. Nagkaroon ng gulo ito, hindi ito yung kasing kinis ng ating inaasahan na pagbabati dahil ayon sa ating impormante ay hindi naging maganda ang pag-uusap nila dahil sa tanong ni Gretchen na, ‘Why me, Nadia? Why me?' Ang sagot daw agad ni Nadia ay, ‘Show me your evidence.'



"So, doon na nagsimula. Ang dami nang naungkat, may naghi-hysterical na, may nag-iiyak na. So, sa madaling salita, hindi pa rin natutuldukan ang kontrobersiya sa pagitan nila pero ang mahalaga nasimulan."



Sa ngayon, wala pa ring balita kung ano na ang mga sumunod na pangyayari matapos ang pagkikitang ito.



Subalit nakausap diumano ni Cristy si Boy Asistio ukol dito.



Ayon sa dating mayor ng Caloocan, "Blangkong-blangko ako sa lahat ng mga pangyayaring ito. Pero iwan ninyo sa akin, kakausapin ko si Nadia. At kung kinakailangan na mag-issue siya ng public apology pag-uusapan namin. Pero hindi ko siya puwedeng pangunahan na mag-issue siya ngayon na hindi ko pa alam ang kanyang kuwento."


Tags:
Tags:
entertainment,Tonyboy Cojuangco,nadia montenegro,gretchen barreto,celebrities,Dodie Puno,claudine baretto