The Reason why Boy Abunda and Dr. Belo have silent war

Boy Abunda refused to mention the cause of his falling out with Dr. Vicki Belo. It was Lolit Solis who related the story to her co-columnists.

Here is the story.

Alam ko na ang sinimulan ng away nina Dra. Vicki Belo at Boy Abunda. Si ‘Nay Lolit Solis ang nagkuwento kahapon habang nagpi-presscon ang Sine Novela Presents Dapat Ka Bang Mahalin? ng GMA 7 na sina Aljur Abrenica at Kris Bernal ang bida. “Nagsimula ‘yan nung may binentang ticket sa concert si Bong (Quintana - special someone ni BA) na nagdi-direk din ng concert kay Vicki. Eh nagkataon noon na nagkaka-problema si Vicki kay Vangie Kua (remember her, ang special assistant ba ni Dra. Belo na umano’y malaki ang nakuhang pera sa doktora). So mainit ang ulo ni Vicki nang tumawag si Bong, eh pang apat na beses na palang pina-follow up sa kanya ‘yung bayad sa tickets. So nung tawagan siya ni Bong, may nasabi siya. Parang sinabi niyang ‘na naman.’

“After nilang mag-usap, na-realize ngayon ni Vicki ang kagagahan niya. Alam mo naman ‘yan, parang bata,” kuwento pa sa amin ni ‘Nay Lolit kaharap si Tito Ricky Lo, Tita Crispina Belen at Ian Fariñas.

“So nung ma-realize ni Vicki, personal yun niyang dinala ang tseke kila Boy. Hindi na siya kinausap ni Boy at pinasoli ang ibinayad na tseke.”

Simula raw nun, isa-isa na ring tinatanggal ni Boy ang mga talent niya as endorser sa Belo Medical Group.

Pero kahit may silent war sila, never daw na may sinabi si Boy na against Dra. Belo na ina-attest ni Tito Ricky dahil pareho niyang kaibigan ang dalawa.

At kahit naman daw si Vicki, walang sinasabi against Boy, sabi ni ‘Nay Lolit. In fact, pakiramdam nga raw ni Dra. Belo, part ng paglaki ng Belo Medical Group si Boy dahil from the start, si Boy ang tumulong kay Dra. Belo.

Ang kaso, nasa Amerika na ngayon si Dra. Belo kaya kahit nagi-effort ang ilan nilang common friends na pag-ayusin sila, hindi agad mangyayari.

Lumaki na ang issue sa statement ni Dra. Belo sa Showbiz Central last Sunday tungkol sa famous na ngayong dialogue na: “If you want to look like Boy Abunda go to Calayan, but if you want to look like Dingdong Dantes and Piolo Pascual come to Belo.”